|
أشعاره [مختارات من الحربيات والفخر] بمناسبة عودة صاحب السمو الملكي الأمير سلطان بن عبد العزيز ولي العهد نائب رئيس مجلس الوزراء وزير الدفاع والطيران والمفتش العام سالماً معافى لأرض وطنه لا يوجد أنسب أو أبلغ من هذه القصيدة التي قالها صاحب هذه الموسوعة في فترة قديمة ماضية بسموه حي الجـواب اللي من الدُرمنـظوم أبيـات يطـرب للشعـر من قراهــا أحكم معانِ القول وأقـول محـكـوم أبــيـات عـدلـهـا حـكـيــمٍ قــواهــا لا باس يـاللي قـطـع الليـل بهـمـوم وجدّد على النـفس الشقيـة عنـاهـا مـن ونـتك ونـيـت يـا مفـني الكــوم وأصبحت في حالٍ على الله جلاها لا طاب لي ليل ولا طـاب لي يــوم قـامـت علي قيـامتي من سمــاهــا يهيـم قلبـي يــِِمــة الـشــرق واقــوم ثـم انـتبــه واخـفــي بنـفسٍ بـلاهـا بلاي شكوى مبعد الصيت شغـمــوم شكــوى يبينـهــا ويـخفـي هــواها نبـــي نـرتبهـــا بقـــانــون وسـلــوم ونسوي اللي صار وأضمن رضاها أجيبها كان إنــهـا جـابـهــا الســــوم وعلي لو عـزّ الطلـب مـشتـراهـا يهمنــي هــمــك ولازمـك مــلـزوم شــكوى تبـيّنهــا علينــا قـضــاهــا معلوم مـا يالـف على النوم مهـمـوم تقـزيـه عيـن غـاب عنـها رجـاهـا يجول قلـبك وإنت ما قـلت مـتـمـوم أنت أسعد اللي بالبسيطة وطـاهــا يا ممن المضهــود في ديـرة القــوم تعط العطايــا واحـد ما احتـراهــا صلف شجاع صايب الراي مزموم تــروم غــايــات وتــرمي وراهــا ترفق بمضيوم وتنهـض بمهـضــوم وترفــع على دار السعاده لـواهـــا لاشك ما الومــك ولا يلحقـك لـــوم لـيـا شـكيت فـراق عينـك هــواهــا لك بالحرم ناس سهارى عـــن النوم أجسامهم بعــدك عليـهــم طــواهــا الليـل يقضـونـه هواجـيس وهمـــوم والصبح من طال الطويله رقــاهــا كـلٍ بقلبه وســم وسهــوم ورســـوم من عقب فقدك يا موحّش حماهــا آمين تجعل شمل الأحبــاب ملـمــوم عقب النوى والبعد تلقِـي عصـاهــا المصدر ديوانه قصائد من الوجدان صفحة (146 , 147 ) هذه الحربية بخط يده رحمه الله .
|
